ساكت ياوطن ؟؟؟ عتب واعتذار

المساهمات : 4 تاريخ التسجيل : 24/03/2008

ساكت ياوطن

ساكت ياوطن والحركَه تاكل بيك
لو خايف بعد والسكته من خوفك

من حرب الحرب جبنه العمر وياك
من اكل الجثث ما ينترس جوفك

مابيك الذنب كَول الذنب چا وين
يمكن نعتذر لو نفهم ظروفك

چنت المدرسه وبيك الشعب طلاب
وبس دك الجرس شو فارغه صفوفك

تقبل ياوطن يرضيك هذا الحال
ناسك للأسف تتراكض تعوفك

وتقبل ياوطن شبانك الحلوين
تتغرب غصب تحرمهه من شوفك

جاوب لا تظل ساكت يبو الثورات
عشرينك بعدهه اتعيش بطيوفك

من طور الحزن ملينه ما ملّيت
چاطور الفرح ما تعزف دفوفك

من ريد الفرح بس كون ريدك سيف
موعيب بغمد وتنامهه اسيوفك

بايكَ ما صرت ما خاف من جلاد
مو هذا شعارك هذه معزوفك

چاشنهو التغير يا عراق شبيك
ثار حسين ذمه ابشيبة ازلوفك

شعبك من عطش رادك مثل عباس
يعني حسين شعبك وارضه اله اطفوفك

لكن للأسف ماكَوا مثل عباس
ومانوصل عشر ياحسين لحروفك

نعتب ياوطن من حبنه الك والله
شفناكم نهر عطشان بجروفك

ومن نصحك لأن صدكَنه كلنه اخطاء
يا بيت الكرم نتسمّه بضيوفك

أصفن ويه نفسك راح تعرف زين
لو ما تنتفض چاضاع معروفك

عذراً يا وطن بس ثور حتى نثور

لو تكَضي العمر والقيد بچفوفك
لو تكَضي العمر والقيد بچفوفك

ملاحظه ... !؟

مانقصدوطن يعني الوطن بالذات

بعيون البشر هم موطن نشوفك
بعيون البشر هم موطن نشوفك

ضرغام العراقي
ديوانية الفرات العذب

موضوع: رد الإثنين مارس 31, 2008 9:25 pm

الحبيب
العراقي
سلمت اليد التي ننتضر منها المزيد