( مكســــور الجناح )

مِن عِفتني وحدي مكسور الجناح
اسألت نفسَك منو إللي واساني ؟؟

ماكو غير القلم وأشعار الأحزان
ظلت اكَبالي عكَب خلاّني

ما شفت واحد مد إيدة لخدودي
ومِسح دمعي وزال منّي أحزاني

ولا شفِت صدر اليدفيني ابحنان
ولا محبّة التفتِكر عنواني

جنت أظن حبك إلي نصف الحياة
وحبي لَك نصف الحياة الثاني

خاب ظنّي وطلع نصفك مو صحيح
ثاري ضايع بالهوة بس آني

واهجرتني ورحِت ما بين الأوهام
والفرح راح وبعد ما جاني

وشمّتت بيّة العدو كَبل الصديق
وجنت أظنّك إنتة أعز خلاني

جايني ابحزنك ودمعك عالخدود
وزيّدتني أحزان فوكَـ أحزاني

روح الله يسامحَك وإرحَل بعيد
وإنسة شِكلي وشوف واحد ثاني

ولا تِظِن أرجَع وأحبّك من جديد
ومِن الأفظل تِبعِد وتنساني

ولا تظِن أرجع وأحبّك من جديد
ومن الأفظل تبعِد وتنساني

--------------------
تحيـــــــــاتي للجميع
أمير البابلي