سيوفــــــــــــ العطــش ــــــــــــ

اذا جاسك عطش لا تروه ضل عطشان
عـوف المـاي لحظـه وعايـن جـروفـــه
وشـوف شـجم طـفل من كربله بعاشـور
يشـرب مـن هـضمته ويـاكـل بخـوفـــه
وأسـأل مصـدره هـذا الفــرات مـنـيـــن
ما تـلـكا فـرات بـعـيـنـك تـشـوفـــــــه
بـقايـه عيـون تـهـمل شــافـت العبـاس
طاحـت بالـفرات وصاغـت اجفـوفـــه
وارسم بالحزن صوره اعله وجه الكون
واذكــر بـيـهه طـفـله وتـنـتظـر عـمـهـه
واكتــب بالسـواد اربـعطش مـعـصوم
تـلـكه اسـم الرسـول مـخضـب بدمهه
مـذبـوحـه عـطـش والـظـيـم اخـذه بـلـيل
لــــبـسـهـه الـســــواد بـيــوم يـتــمـهــه
غــربه وبالـخـيـم بـس زيـنـبـك يحسـين
واطـفال اتـّصارخ كـونك تـلمـهـــه
ارامــل تــرتـعـش خـوف وبـرد واللـيل
مــد جـفه اعـلـه زيـنـب مـن ثـكل هـمهه
نــار بـكـل كـتـر والـمـوت شـاهر موت
وسـيـوف الـخـوارج حــاطـت خـيمهـه
كـبل خـيـط الـشـمـس من يوصل الشباج
يـسـتـاذن كـبـل مـا يـقـتـرب يــمـهـــه
عـجـبه وما اصـدك شـافتـك مـذبـوح
وابـو اتـراب اتـنخــته وما يـكلمـهه
وكــفــت فـوك تـل وحـاوطتهـه الكــوم
يـحـسـيـن الـكــدر بـسـيـوفه وسـمهه
طـبرت هـامـتـك جـن طـبرة الـكـرار
يازهـرة علـي الــ بـس الله يشـتمـهـه






محمد الطالب
muhamad_altayeb@yahoo.com