هذه القصيدة كتبته بحب زملائي الشهداء في كليه الادارة والاقتصاد
واليوم هو الذكرى لمرور عام على فقدانهم
طبع من الزمن كتال بينة وصار
وبهمومه علينه كام يتبختر
ورضينة احنى بعذابة منة هالونات
على درب الفرح خلانة نتحسر
فجع بينه المصاب الصار بينة العام
هز الكون كله وكام يتعذر
يمنه جاي (قيصر) شارد من الموت
لن الموت يمنه لجله متحظر
(سلام) الي مشة ضعنة بعد ميعود
مثله ومثل شخصه منين يتكرر
هنا (فيحاء) وكفت ذاك صوت (انمار)
هنانة(اياد) كاعد يكتب(لحيدر)
هنا اخر قصيدة (لبارق) العشاق
بالام الوطن وبجرحة هم يشعر
شحجيلك واعدلك هنه كومه اسماء
العدد فاق العدد خمسين وتكثر
ياطف كربلاء بغداد هذا اليوم
جم (حسين) بيها بجسمه الموذر
بجة حتى الوطن من شاف هذا الصار
ورود من السما عالكاع تطشر
شك زيجة وصرخ وبعالي حسة وكال
عمت عين الزمان ويانة شو قصر
صار سنين اوكل خبزي للجيران
ياوسفة بحلكهم ملحي ما غزر
قضيتنه اصبحت معلومه عند الناس
بس جيب اليحلهه ويمحي هذا الشر
يوميه انفجار وناس مذبوحين
يوميه انتحاري بينه يتفجر
صفه حته العلم يصعب علينة اليوم
واليطلب علم ينحز اله منحر
من حرب لحرب خلصنة هاي سنين
وصفينة اجسور للي يريدنة ومعبر
كلمن جاب سيفه وخنجره محدود
على ذبح العراق الناس تتنطر
وائل الاسدي Admin
المساهمات : 94 تاريخ التسجيل : 23/12/2007
موضوع: رد الثلاثاء فبراير 26, 2008 9:21 pm
الحبيب وسام حمزة علي اجرنا واجركم الله بمناسبه مرور العم على تفجير كربلاء الثانيه الجامعة المستنصريه قصيدة معبرة عن حجم المأساة التي مرة في ذالك اليوم الذي فقدنا فيه العديد من احبتنا الطلبة لك كل العزاء بهذه المناسبة وكل الترحيب في انضمامك الينا
تحياتي
محمودالعاطفي
المساهمات : 38 تاريخ التسجيل : 04/02/2008 العمر : 35
موضوع: رد: طبع الزمن الأربعاء فبراير 27, 2008 9:13 pm
العزيز وسام حمزه علي قصيده موثره وجميله تعبر عما يجول في خاطرك من حزن والم بشهداء كلية الاداره والاقتصاد وندعو الله ان يجعلك من الصابرين ويحشرك معهم (ولا تحسبن الذين قتلوا في سبيل الله امواتاً بل احيائاً عند ربهم يرزقون)
موضوع: طبع الزمن 
الإثنين فبراير 25, 2008 10:33 pm
