كسر خاطر

يا دنيا ليا عمر هيج ابقى وياج
يومية جرح لو كسر خاطر

جرح يلجم جرح من خوفة ليطيب
واكول يهون موهاليوم باجر

تضل لياوكت هالدمعة بالعين
طفلة امها الحزن كاعد تناطر

الدمع وعيوني صارو احلى عشاك
يرسمون الحزن باروع خواطر

صفى حتى القلم وياي مجروح
ما ينزف حبر ينزف مشاعر

من اقراء شعر تتطاشر جروح
يصعد جرحي قبلي علة المنابر

وياعيني الكلب طك كلبة همين
خطية شما حمل وياي صابر

انة وية الصبر عشرة طفولة
يعني من الصغر وياي كابر

رضع وياي طعم الشدة والعوز
اخوية لضهري هوة حزام صاير

يمر بينة الحزن يومية خطار
يواسينا بضحك بس ما نكابر

ومعارك صفيت انة وية دنياي
ما مرة صفت وياي لحظة

شريد انـة تريد العكس وياي
اذا زعلان اني هية ترضة

اراضيها ترد هم تزعل النوب
ولامرة التقينا بفرح نحضة

حضي و هم تعب وياي مسكين
حاول بس ابدماكعد حضة

بسك يا عمر مو خلصن ادموع
قانون الحزن وانت تفرضة

جوعنا الفرح ناسينا فد نوب
حالف لو يمر بسنوني اكضة

وبطلــنــــــــــا بعد مندورافراح
انة وكلبي راضين بوضعنة

معمل للحزن سوينــــة الادموع
نضل ننتج دمع حت لو فرحنة

شما نخسر نكول القدر مكتوب
وما ندري قدرنة شكاتبنة

طبع دنيانة تفتر بينة كل يوم
ودارت بينة صح بس ترجعنة