ادري بيك تحبني

ادري اني بيك تحبني
وما تقبل تجاوبني

ترتاح من اتوسلك
وتزعل اذا ما اوصلك
باطباعك معجبني
واني ادري بيك تحبني

بعيونك اكثر من حجي
ودموع ابد ماتنبجي
واكعد بكلبي وانتجي
واحجيلي باليعجبني
واني ادري بيك تحبني

لو ما اجيتك بس يوم
متاكد تعوف النوم
صارحني لتخاف اللوم
وخيصير حزنك حزني
مبين عليك تحبني

ماظل صبر حته انتضر
واحجيلك السر والامر
كل ليله بفراكك تمر
طيفك يجي يعذبني
واني ادري بيك تحبني