ما شايفهه
بالهاتف جنت احجي وياه
وجنت من اصفن لحضه الكاه
واسطوله بنص بحري ارساه
وماشايفهه
بس بكل اشتاك اله
وجانت فرصه وما اسهلهه
وصح مشيب كلبي بضيمه
بس يرجع شاب بملكاهه
وما شايفهه بس اعرفهه
واعرف معناهه وبعد اكثر
واعرفمنه الشعر اصدر
وما شايفهه
بل شايفه
وتدري اشايف
شايف حنيته بكلبي
وجنه ضواي من امشي بدربي
وجنه عيوني البيهن ابجي
وجنه الضحكه البين شفافي
وما شايفهه
بس عشكته
عشك المايندل واندله
وعنتر علمني بحب عبله
واكثر من حب قيس ليلى
وما شايفهه
بس عشكته
وانه بليلي شكد اتحسر
وعبوه نهاري بليلي تفجر
وجن الجامع اذن كبر
وصاح الخادم
انا لله وانا اليه راجعون
انتقلت روح المسكين الشاب
الى رحمه الله تعالى
اثر حادث مؤسف
بل اثر العشق المؤسف
وانتقلت روحه المسكين
والموت اليركض للزين
والخادم جي صوته حنين
خله الوادم تبجي ونين
وشو هذا اني الصاحوا بسمي
وجني اكومن ما كوا بجسمي
لا حركه وما ادري اصار
وجني اعله اهلي شوخطار
واخذوني وذبوني بحفره
والحفره جن متره بمتره
واصور هلحاله الخطره
والوادم صاحت من ايده
والي من ايده الله يزيده
وكل هذا واصيحن وبكبري
وما شايفهه
بس اوصيكم فد احجايه
من تشوفع تبلغوهه
بكل ليله اثوبلي بايه
وتقره الحمد وبس احجايه
الله يرحمه...
الله يرحمه...
الله يرحمه...