وعد صادق

كل مشلول يمك يشفه ويكوم
بس جدم الشعر مولاي شليّته

نعكد يم حظرتك بالششد رايات
والساني اعلة مدحك علكّ شدّيته

جفك لليكصدك شرّع البيبان
مامرة سمعنه الباب سدّيته

لميت الكرم حد ماتفايض بيك
والطاح اعلة وجه الكاع لمّيته

قرّيت الجهل طيب ووفة واخلاق
واليرفض غصب بالسيف قرّيته

عينك مابجت ماينقل التاريخ
بس اعلة الحسين الدمع ضبّيته

ماخنت الوعد لمن وعدت احسين
بجفوفك وعين الوعد ادّيته

متوهدن الموت بيوم عاشر جان
وانت اعلة الرؤوس الموت دلّيته

سيفك من عطش ماشرب من الماي
من دم الركاب السيف روّيته

على جتف النهر خصمك وكف جن سور
وانت بنظرة منك اظن هدّيته

ظنوك احسبتهم لغز مامحلول
وبسيفك لغزهم كمت حلّيته

رادواتنحني من عطّشوك اعداك
من كظك عطش والماي ذبّيته

عرس جان النزال وحنّه رادالراس
من دم الجفوف الراس حنّيته

سويت التريدة بخصمك وكفيت
وحته المايصير بزود سويته

لحسين الكلب سلّيت يامولاي
والخصمك تراك الجسدسلّيته