رساله الى كل من لا يهمهم الأمر !!!

المساهمات : 4 تاريخ التسجيل : 24/03/2008

رساله الى كل من لا يهمهم الأمر !
والمدرجه اسمائهم ادناه :

شاعر للأسف مدمن محطات
يوميه وطلع نفس القصيده

وشاعر يفتخر صاحب علاقات
واسمه ظال كل ساعه بجريده

وشاعر مرحله حي هو بس مات ... ؟!
وطلاب الشعر ظنهم عبيده

وشاعر مختص بعلم الزحافات
وادكَول الشعر من صنعة ايده

وشاعر عالورق سطّر عبارات
كل ظنه الشعر شغله واتفيده

وشاعر من حضر بالمهرجانات
يشوف الناس بدلاته الجديده

وشاعر من صعد فوك المنصات
تحس حتى الخشب لا ما يريده

وشاعر من قره ماتسمع اصوات
تصّفكَله بعد وتكَله عيده

بس شاعر صدكَ جوعان من بات

بس عنده المهم تكمل قصيده
بس عنده المهم تكمل قصيده

تنويه :
الاراء الوارده اعلاه لا تعبر عن رأي الشخصي
انما تعبر عن رأي الشاعر الذي في داخلي وقد يكون احدهم
لذلك اقتضى التنويه

المرسل
ضرغام العراقي
ديوانية الفرات العذب